ਨਕੋਦਰ : ਭੈੜੀ ਸ਼ਬਦਾਵਲੀ ਕਰਕੇ ਫਾਸਟਵੇ ਟੀਵੀ ਯੂ ਐੱਸ ਏ ਦੇ ਐਂਕਰ ਖਿਲਾਫ ਦਰਖਾਸਤ।

ਨ

ਬੀਤੀ ਦਿਨੀਂ ਇਕ ਸੋਸ਼ਲ ਮੀਡੀਆ ਤੇ ਵੀਡਿਓ ਵਾਇਰਲ ਹੋਈ ਜਿਸ ਵਿੱਚ ਇੱਕ ਪੰਜਾਬ ਪੁਲਿਸ ਮੁਲਾਜ਼ਮ ਰਸਤੇ ਵਿੱਚ ਖੜ੍ਹੀ ਰੇਹੜੀ ਤੋਂ ਆਂਡੇ ਚੋਰੀ ਕਰਕੇ ਜੇਬ ਵਿੱਚ ਪਾ ਰਿਹਾ ਸੀ। ਲਗਭਗ ਸਾਰੇ ਨਿਊਜ਼ ਚੈਨਲਾਂ ਨੇ ਇਹ ਵੀਡਿਓ ਦੀ ਖਬਰ ਬਣਾ ਕੇ ਦਿਖਾਈ ਪ੍ਰੰਤੂ ਫਾਸਟਵੇ ਟੀਵੀ ਯੂ ਐੱਸ ਏ ਤੇ ਇਸ ਖਬਰ ਨੂੰ ਬਹੁਤ ਹੀ ਭੈੜੀ ਸ਼ਬਦਾਵਲੀ ਨਾਲ ਪੇਸ਼ ਕੀਤਾ ਗਿਆ। ਐਂਕਰ ਨੇ ਉਸ ਵਿੱਚ ਪੁਲਿਸ ਮੁਲਾਜਿਮ ਨਾ ਕਹਿ ਕੇ ਭਾਰਤ ਦਾ ਕਾਨੂੰਨ ਸ਼ਬਦ ਵਰਤ ਕੇ ਚੋਰੀ ਕਰਦਾ ਕਿਹਾ ਗਿਆ। ਇਥੇ ਗੱਲ ਇਹ ਵੀ ਹੈ ਕਿ ਕਿਸੇ ਇੱਕ ਮੁਲਾਜਿਮ ਲਈ ਪੂਰੇ ਸੰਵਿਧਾਨ ਨੂੰ ਚੋਰ ਕਹਿ ਦੇਣਾ ਬਹੁਤ ਘਟੀਆ ਗੱਲ ਹੈ, ਕਿਸੇ ਨੂੰ ਹੱਕ ਨਹੀਂ ਬਣਦਾ ਕਿ ਕਿਸੇ ਵੀ ਦੇਸ਼ ਦੇ ਕਾਨੂੰਨ ਪ੍ਰਤੀ ਭੈੜੀ ਸ਼ਬਦਾਵਲੀ ਵਰਤੀ ਜਾਵੇ। ਇਸੇ ਗੱਲ ਤੇ ਰੋਸ ਜਤਾਉਂਦਿਆਂ ਭਾਰਤੀਆ ਐੱਸ ਸੀ ਬੀ ਸੀ ਜਨਰਲ ਸੈੱਲ ਪੰਜਾਬ ਵਲੋਂ ਨਕੋਦਰ ਡੀ ਐੱਸ ਪੀ ਨਵਨੀਤ ਸਿੰਘ ਮਾਹਲ ਨੂੰ ਦਰਖਾਸਤ ਦਿੱਤੀ ਗਈ ਤੇ ਮੰਗ ਕੀਤੀ ਗਈ ਕਿ ਤੁਰੰਤ ਇਸ ਦਰਖਾਸਤ ਤੇ ਕਰਵਾਈ ਕੀਤੀ ਜਾਵੇ। ਇਸ ਮੌਕੇ ਸੰਸਥਾ ਦੇ ਚੇਅਰਮੈਨ ਦਵਿੰਦਰ ਕਲੇਰ, ਪੰਜਾਬ ਪ੍ਰਧਾਨ ਸਰਵਨ ਹੰਸ, ਰਾਜੇਸ਼ ਅਰੋੜਾ, ਇਸਾਕ ਮੁਹੰਮਦ, ਪਵਿੱਤਰ ਸਿੱਧੂ, ਜਿੰਦਰ ਬਾਬਾ ਆਦਿ ਹਾਜ਼ਿਰ ਸਨ।