ਨਕੋਦਰ ਬਿਜਲੀ ਮਹਿਕਮੇ ਦਾ ਸਮਾਜ ਸੇਵਾ ਵੱਲ ਰੁੱਖ, ਸਹਾਇਕ ਲਾਈਨਮੈਨ ਨੇ ਗਰੀਬ ਪਰਿਵਾਰ ਕੀਤਾ ਮੀਟਰ ਕਨੈਕਸ਼ਨ ਦਾਨ।

ਨ

ਸਥਾਨਕ ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਦੇ ਸ਼ਹਿਰੀ ਮੰਡਲ ਦਫ਼ਤਰ ਦੇ ਇੱਕ ਸਹਾਇਕ ਲਾਈਨ ਮੈਨ ਅਮਨਦੀਪ ਸਿੰਘ ਨੇ ਆਪਣੇ ਪ੍ਰੋਵਿਜ਼ਨਲ ਪੀਰਿਯਡ ਪੂਰਾ ਹੋਣ ਤੇ ਨਕੋਦਰ ਦੇ ਮੁਹੱਲੇ ਬਘਿਆੜ ਪੁਰ ਦੀ ਲੋੜਵੰਦ ਵਸਨੀਕ ਮਨਜੀਤ ਕੌਰ ਨੂੰ ਬਿਜਲੀ ਕੁਨੈਕਸ਼ਨ ਦਾਨ ਕੀਤਾ। ਜਾਣਕਾਰੀ ਅਨੁਸਾਰ ਸਬ ਡਵੀਜ਼ਨ ਆਫ਼ੀਸਰ ਲਵਪ੍ਰੀਤ ਸਿੰਘ ਨਾਲ ਸਲਾਹ ਮਸ਼ਵਰਾ ਕਰਨ ਉਪਰੰਤ ਅਮਨਦੀਪ ਨੇ ਸਿਕਿਓਰਟੀ ਫੀਸ ਅਦਾ ਕੀਤੀ ਅਤੇ ਉਸਦੇ ਸਾਥੀ ਕਰਮਚਾਰੀ ਸੁਖੀ ਰਾਮ CHB ਨੇ ਕੁਨੈਕਸ਼ਨ ਜਾਰੀ ਕੀਤਾ। ਮਨਜੀਤ ਕੌਰ ਦੇ ਪਰਿਵਾਰ ਨੇ ਅਮਨਦੀਪ ਸਿੰਘ ਅਤੇ ਸੁਖੀ ਰਾਮ ਦੇ ਨਾਲ ਨਾਲ ਬਿਜਲੀ ਮਹਿਕਮੇ ਦਾ ਵੀ ਧੰਨਵਾਦ ਕੀਤਾ। ਇਥੇ ਇਹ ਗੱਲ ਕਹਿਣਾ ਬਿਲਕੁਲ ਜਾਇਜ਼ ਹੈ ਕਿ ਬਿਜਲੀ ਮਹਿਕਮੇ ਨੂੰ ਲੋਟੂ ਮਹਿਕਮਾ ਕਹਿਣ ਵਾਲਾ ਦੌਰ ਹੁਣ ਖਤਮ ਹੁੰਦਾ ਜਾਂਦਾ ਨਜ਼ਰ ਆ ਰਿਹਾ ਹੈ। ਨੌਜਵਾਨ ਪੀੜ੍ਹੀ ਅੰਦਰਲੀ ਦਾਨੀ ਭਾਵਨਾ ਭਵਿੱਖ ਵਾਸਤੇ ਬਹੁਤ ਸ਼ੁਭ ਸੰਕੇਤ ਦਿੰਦੀ ਨਜ਼ਰ ਆ ਰਹੀ ਹੈ।