ਕਾਰ ਸਵਾਰ ਔਰਤਾਂ ਨੇ ਬਜ਼ੁਰਗ ਔਰਤ ਨੂੰ ਧੱਕੇ ਨਾਲ ਕਾਰ ‘ਚ ਬਿਠਾ ਕੇ ਉਤਾਰੇ ਸੋਨੇ ਦੇ ਕੜੇ ਤੇ ਫਿਰ..

ਕ

ਆਪਣੀ ਧੀ ਨੂੰ ਅੰਮ੍ਰਿਤਸਰ ਤੋਂ ਮਿਲ ਕੇ ਜਲੰਧਰ ਆਈ ਔਰਤ ਨੂੰ ਕਾਰ ਵਿੱਚ ਸਵਾਰ ਦੋ ਔਰਤਾਂ ਅਤੇ ਇਕ ਵਿਅਕਤੀ ਨੇ ਜ਼ਬਰਦਸਤੀ ਗੱਡੀ ਵਿੱਚ ਬਿਠਾ ਲਿਆ ਅਤੇ ਉਸਨੂੰ ਬੇਸੁਧ ਕਰਕੇ ਉਸ ਦੇ ਸੋਨੇ ਦੇ ਕੜੇ ਲਾ ਲਏ ਅਤੇ ਉਸਨੂੰ ਗੱਡੀ ਚੋ ਹੇਠਾਂ ਲਾ ਕੇ ਗੱਡੀ ਲੈ ਕੇ ਫਰਾਰ ਹੋ ਗਏ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸ਼ਸ਼ੀ ਬਾਲਾ ਵਾਸੀ ਸ਼ਾਸਤਰੀ ਨਗਰ ਨੇ ਦੱਸਿਆ ਕਿ ਮੰਗਲਵਾਰ ਨੂੰ ਅੰਮ੍ਰਿਤਸਰ ਵਿਚ ਰਹਿੰਦੀ ਧੀ ਨੂੰ ਮਿਲਣ ਲਈ ਗਈ ਸੀ।ਬੁੱਧਵਾਰ ਸਵੇਰੇ ਉਹ ਜਲੰਧਰ ਦੇ ਬੱਸ ਸਟੈਂਡ ਤੇ ਉੱਤਰੀ। ਜਿਥੋਂ ਉਸ ਦੇ ਪੁੱਤ ਨੇ ਉਸ ਨੂੰ ਲੈਣ ਆਉਣਾ ਸੀ ਪਰ ਉਸ ਦਾ ਪੁੱਤਰ ਕੁਝ ਲੇਟ ਹੋ ਰਿਹਾ ਹੈ ਤਾਂ ਉਹ ਰਿਕਸ਼ਾ ਵਾਲੇ ਨਾਲ ਗੱਲ ਕਰਨ ਲੱਗ ਪਈ। ਉਸੇ ਵੇਲੇ ਇਕ ਕਾਰ ਇੱਥੇ ਆ ਕੇ ਰੁਕੀ ਜਿਸ ਵਿਚ ਸਵਾਰ ਇਕ ਔਰਤ ਉਸ ਨੂੰ ਕਹਿਣ ਲੱਗੀ ਕਿ ਉਸ ਦਾ ਪੁੱਤਰ ਤਾਂ ਅੱਗੇ ਖੜ੍ਹਾ ਹੈ ਤੁਸੀਂ ਰਿਕਸ਼ਾ ਕਿਉਂ ਕਰ ਰਹੇ ਹੋ ਇਨ੍ਹਾਂ ਕਹਿੰਦੇ ਹੀ ਉਨ੍ਹਾਂ ਨੇ ਉਸਨੂੰ ਗੱਡੀ ਵਿਚ ਖਿੱਚ ਲਿਆ। ਗੱਡੀ ਵਿੱਚ ਜਾਂਦੇ ਹੀ ਉਹ ਬੇਸੁੱਧ ਹੋ ਗਈ। ਇਸ ਤੋਂ ਬਾਅਦ ਉਸਨੂੰ ਚਿਕ ਚਿਕ ਚੌਕ ਵਿਚ ਗੱਡੀ ਤੋਂ ਥੱਲੇ ਲਾ ਦਿੱਤਾ।ਜਦ ਉਸਨੇ ਦੇਖਿਆ ਤਾਂ ਉਸਦੇ ਸੋਨੇ ਦੇ ਕੜੇ ਗਾਇਬ ਸਨ। ਉਸ ਨੇ ਤੁਰੰਤ ਇਸਦੀ ਸੂਚਨਾ ਪੁਲੀਸ ਕੰਟਰੋਲ ਰੂਮ ਵਿਚ ਕੀਤੀ ਜਿਸ ਤੇ ਥਾਣਾ 2 ਅਤੇ ਚਾਰ ਦੀ ਪੁਲੀਸ ਮੋਕੇ ਤੇ ਪਹੁੰਚੀ ਅਤੇ ਆਲੇ ਦੁਆਲੇ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਰਿਕਾਰਡਿੰਗ ਖੰਗਾਲਣ ਵਿੱਚ ਜੁੱਟ ਗਏ।