ਮੁੜ ਆਇਆ ਨਕੋਦਰ ਦਾ ਸਿੰਘਮ !

ਮ

ਬੀਤੇ ਸਾਲ ਇਸੇ ਕਰੋਨਾ ਸੰਕਟ ਦੌਰਾਨ ਨਕੋਦਰ ਤਹਿਸੀਲ ਵਿੱਚ ਹਰੇਕ ਪਰਿਸਥਿਤੀ ਨੂੰ ਸੰਯਮ ਅਤੇ ਸਮਝਦਾਰੀ ਨਾਲ ਕੰਟਰੋਲ ਕਰਨ ਵਾਲੇ ਸ਼੍ਰੀ ਅਮਨ ਸੈਣੀ ਜੀ ਨੇ ਹੁਣ ਨਕੋਦਰ ਥਾਣਾ ਸਦਰ ਦਾ ਬਤੌਰ ਐੱਸ ਐੱਚ ਓ ਚਾਰਜ ਲਿਆ ਹੈ। ਅਮਨ ਸੈਣੀ ਜੀ ਸ਼੍ਰੀ ਵਿਨੋਦ ਕੁਮਾਰ ਜੀ ਦੀ ਜਗ੍ਹਾ ਤਬਦੀਲ ਹੋਕੇ ਆਏ ਹਨ। ਅਮਨ ਸੈਣੀ ਜੀ ਪਹਿਲਾ ਸਿਟੀ ਥਾਣਾ ਵਿੱਚ ਬਤੌਰ ਐੱਸ ਐੱਚ ਓ ਡਿਊਟੀ ਨਿਭਾ ਚੁੱਕੇ ਹਨ। ਆਪਣੇ ਕਾਰਜ ਕਾਲ ਦੌਰਾਨ ਇਨ੍ਹਾਂ ਨੇ ਸਮਾਜ ਵਿਰੋਧੀ ਅਨਸਰਾਂ ਨੂੰ ਬਹੁਤ ਵਧੀਆ ਤਰੀਕੇ ਨਾਲ ਨਕੇਲ ਪਾ ਕੇ ਰੱਖਿਆ। ਮਜ਼ਲੂਮਾਂ ਅਤੇ ਪੀੜਤਾਂ ਨੂੰ ਇਨਸਾਫ ਦਵਾਉਣ ਨੂੰ ਪਹਿਲ ਦੇਣ ਵਾਲੇ ਅਮਨ ਸੈਣੀ ਜੀ ਨੂੰ ਜੇਕਰ ਅਸੀਂ ਨਕੋਦਰ ਦਾ ਸਿੰਘਮ ਕਹੀਏ ਤਾਂ ਗਲਤ ਨਹੀਂ ਹੋਵੇਗਾ। ਭਾਵੇਂ ਮਹਾਂਮਾਰੀ ਵਿੱਚ ਮਾਹੌਲ ਨੂੰ ਵਿਗੜਨ ਤੋਂ ਬਚਾਉਣਾ ਹੋਵੇ ਭਾਵੇਂ ਸਮਾਜ ਵਿਰੋਧੀ ਗਤੀਵਿਧੀਆਂ ਤੇ ਕਾਬੂ ਪਾਉਣਾ ਇਨ੍ਹਾਂ ਨੇ ਹਰ ਭੂਮਿਕਾ ਬਹੁਤ ਵਧੀਆ ਢੰਗ ਨਾਲ ਨਿਭਾਈ ਹੈ। ਫੀਡ ਫਰੰਟ ਦੀ ਪੂਰੀ ਟੀਮ ਇਨ੍ਹਾਂ ਦਾ ਨਕੋਦਰ ਦੋਬਾਰਾ ਆਉਣ ਤੇ ਤਹਿ ਦਿਲੋਂ ਸਵਾਗਤ ਕਰਦੀ ਹੈ ਤੇ ਫੀਡ ਫਰੰਟ ਦਾ ਸੰਪਾਦਕ ਹੋਣ ਦੇ ਨਾਤੇ ਮੈਂ ਪੂਰੀ ਟੀਮ ਵੱਲੋਂ ਇਹ ਆਸਵਾਸਨ ਦਿੰਦਾ ਹਾਂ ਕਿ ਸਮਾਜ ਵਿੱਚੋ ਜ਼ੁਰਮ ਨੂੰ ਖਤਮ ਕਰਨ ਅਤੇ ਸਮਾਜ ਨੂੰ ਵਿੱਚ ਸ਼ਾਂਤੀ ਬਣਾਈ ਰੱਖਣ ਦੀ ਕਿਸੇ ਵੀ ਤਰਾਂ ਦੀ ਕਾਰਵਾਈ ਦੌਰਾਨ ਸਾਡੀ ਪ੍ਰੈਸ ਹਮੇਸ਼ਾ ਇਨ੍ਹਾਂ ਦੇ ਨਾਲ ਖੜ੍ਹੀ ਹੈ।