ਹੋਈ ‘ਆਮ ਆਦਮੀ ਪਾਰਟੀ’ ਦੀ ਜਿੱਤ, ਆਮ ਲੋਕਾਂ ਨੇ ਵੰਡੇ ਲੱਡੂ, ਮਨਾਏ ਜਸ਼ਨ

ਹ

ਨਕੋਦਰ: ਪੰਜਾਬ ਵਿਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਨ ‘ਤੇ ਸ਼ਹਿਰਾਂ ਅਤੇ ਪਿੰਡਾਂ ਵਿੱਚ ਵਿਚ ਆਮ ਆਦਮੀ ਪਾਰਟੀ ਵਰਕਰਾਂ, ਸੁਪੋਟਰਾਂ ਅਤੇ ਵੋਟਰਾਂ ਵੱਲੋਂ ਲੱਡੂ ਵੰਡੇ ਗਏ ਅਤੇ ਪਟਾਕੇ ਚਲਾਏ ਗਏ । ਇਸ ਮੌਕੇ ‘ਆਪ’ ਆਗੂਆਂ ਨੇ ਪੰਜਾਬ ਦੇ ਲੋਕਾਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨੇ ਆਮ ਆਦਮੀ ਪਾਰਟੀ ‘ਤੇ ਭਰੋਸਾ ਕਰ ਕੇ ਪੂਰੇ ਪੰਜਾਬ ਦੀ ਸੇਵਾ ਕਰਨ ਦਾ ਮੌਕਾ ਦਿੱਤਾ, ਜਿਸ ਕਰ ਕੇ ਆਮ ਆਦਮੀ ਪਾਰਟੀ ਦੀ ਵੱਡੀ ਜਿੱਤ ਹੋਈ। ਆਮ ਆਦਮੀ ਦੀ ਸੁਨਾਮੀ ਵਿਚ ਵੱਡੇ ਥੰਮ੍ਹ ਢਹਿ ਢੇਰੀ ਹੋ ਗਏ। ਹੁਣ ਪੰਜਾਬ ਵਿਚ ਵੀ ਦਿੱਲੀ ਵਾਂਗ ਆਮ ਲੋਕਾਂ ਦੀ ਸਰਕਾਰ ਆ ਗਈ ਹੈ। ਅੱਜ ਪੂਰੇ ਪੰਜਾਬ ਵਿਚ ਦਿਵਾਲੀ ਵਰਗਾ ਮਾਹੌਲ ਹੈ। ਸਾਰੇ ਪਾਸੇ ਪਟਾਕੇ ਚਲਾਏ ਜਾ ਰਹੇ ਹਨ। ਖੁਸ਼ੀਆਂ ਮਨਾਈਆਂ ਜਾ ਰਹੀਆਂ ਹਨ। ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਕਿਸੇ ਸਿਆਸੀ ਪਾਰਟੀ ਦੀ ਜਿੱਤ ਦੀ ਖੁਸ਼ੀ ਆਮ ਵੋਟਰ ਲੋਕਾਂ ਵਲੋਂ ਮਨਾਈ ਜਾ ਰਹੀ ਹੈ। ਨਕੋਦਰ, ਮਹਿਤਪੁਰ, ਨੂਰਮਹਿਲ, ਜੰਡਿਆਲਾ, ਜਲੰਧਰ ਅਾਦਿ ਸ਼ਹਿਰਾਂ ਵਿੱਚ ਆਮ ਲੋਕਾਂ ਵਲੋਂ ਮਿਠਾਈਆਂ ਵੰਡਣ ਦੀਆਂ ਖ਼ਬਰਾਂ ਮਿਲੀਆਂ ਹਨ। ਨਕੋਦਰ ਦੇ ਪਿੰਡ ਹੇਰਾਂ ਵਿਖੇ ਵੀ ਬੜੀ ਧੂਮ ਧਾਮ ਨਾਲ ਆਪ ਦੀ ਜਿੱਤ ਦੀ ਖੁਸ਼ੀ ਮਨਾਈ ਗਈ। ਨਕੋਦਰ ਹਲਕੇ ਦੀ ਜੈਤੂ ਬੀਬੀ ਇੰਦਰਜੀਤ ਕੌਰ ਮਾਨ ਦਾ ਜਲੰਧਰ ਰੋਡ ਸਥਿਤ ਪਿੰਡ ਆਲੋਵਾਲ ਦੇ ਗੇਟ ਤਿ ਪਿੰਡ ਵਾਸੀਆਂ ਨੇ ਢੋਲ ਡਮਕਿਆਂ ਨਾਲ ਸਵਾਗਤ ਕੀਤਾ। ਨਕੋਦਰ ਦੇ ਮੁਹਲਾ ਰਹਿਮਾਨਪੁਰਾ ਵਿਖੇ ਵਕੀਲ ਗੌਰਵ ਨਾਗਰਾਜ ਆਦਿ ਵਲੋਂ ਲੱਡੂ ਵੰਡੇ ਗਏ। ਨਕੋਦਰ ਅੰਬੇਡਕਰ ਚੌਂਕ ਸਥਿਤ ਪੰਮਾ ਟੀ ਸਟਾਲ ਨੇ ਵੀ ਆਮ ਆਦਮੀ ਪਾਰਟੀ ਦੀ ਜਿੱਤ ਦੀ ਖੁਸ਼ੀ ਮਨਾਈ ਅਤੇ ਲੋਕਾਂ ਦਾ ਮੂੰਹ ਮਿੱਠਾ ਕਰਵਾਇਆ।