ਸਰਕਾਰੀ ਸਕੂਲ ਦੇ ਬਾਥਰੂਮ ‘ਚੋਂ ਟੂਟੀਆਂ ਚੋਰੀ

ਸ

ਪਿੰਡ ਮੱਲ੍ਹੀਆਂ ਖੁਰਦ ਦੇ ਸਰਕਾਰੀ ਪ੍ਰਰਾਇਮਰੀ ਸਕੂਲ ਦੇ ਬਾਥਰੂਮ ‘ਚੋਂ ਰਾਤ ਨੂੰ ਚੋਰਾਂ ਨੇ ਟੂਟੀਆਂ ਚੋਰੀ ਕਰ ਲਈਆਂ। ਸਰਪੰਚ ਬੱਗਾ ਮੱਲੀ ਨੇ ਦੱਸਿਆ ਕਿ ਰਾਤ ਨੂੰ ਚੋਰਾਂ ਨੇ ਸਕੂਲ ਦੇ ਪ੍ਰਰਾਇਮਰੀ ਸਕੂਲ ਦੇ ਬਾਥਰੂਮ ‘ਚ ਲੱਗੀਆਂ ਟੂਟੀਆਂ, ਗੇਟ ਬਾਲ ਤੇ ਇਸ ਤੋਂ ਇਲਾਵਾ ਘਰਾਂ ਦੇ ਬਾਹਰ ਲੱਗੀਆਂ ਟੂਟੀਆਂ ਵੀ ਚੋਰੀ ਕਰਕੇ ਲੈ ਗਏ। ਇਸ ਚੋਰੀ ਦੀ ਘਟਨਾ ਸਬੰਧੀ ਪੁਲਿਸ ਚੌਕੀ ਉੱਗੀ ਨੂੰ ਇਤਲਾਹ ਕਰ ਦਿੱਤੀ ਗਈ ਹੈ। ਪੁਲਿਸ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਬੱਗਾ ਮੱਲੀ ਨੇ ਕਿਹਾ ਕਿ ਇਹ ਬਹੁਤ ਮੰਦਭਾਗੀ ਘਟਨਾ ਹੈ ਤੇ ਪੁਲਿਸ ਪ੍ਰਸ਼ਾਸਨ ਨੂੰ ਇਸ ਸਬੰਧੀ ਵਿਸ਼ੇਸ਼ ਕਦਮ ਚੁੱਕਣੇ ਚਾਹੀਦੇ ਹਨ। ਇਸ ਤੋਂ ਇਲਾਵਾ ਅੱਡਾ ਉੱਗੀ ਵਿਖੇ ਕੈਪੀਟਲ ਬੈਂਕ ਤੇ ਧਰਮ ਕੰਡੇ ਦੇ ਕੋਲ ਲੱਗੇ ਬਾਥਰੂਮ ‘ਚੋਂ ਵੀ ਚੋਰਾਂ ਵੱਲੋਂ ਟੂਟੀਆਂ ਚੋਰੀ ਕਰ ਲਈਆਂ ਗਈਆਂ ਹਨ। ਇਸ ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਨੰਬਰਦਾਰ ਤੇ ਸਾਬਕਾ ਸਰਪੰਚ ਹਰਪ੍ਰਰੀਤ ਪਾਲ ਸਿੰਘ ਡਿੰਪਲ ਨੇ ਦੱਸਿਆ ਕਿ ਬਾਥਰੂਮ ‘ਚ ਟੂਟੀਆਂ ਭਾਵੇਂ ਮਹਿੰਗੀਆਂ ਨਹੀਂ ਸਨ ਪਰ ਫਿਰ ਵੀ ਨੁਕਸਾਨ ਤਾਂ ਹੋਇਆ ਹੀ ਹੈ ਪਰ ਚੋਰਾਂ ਵੱਲੋਂ ਤਾਂ ਉਹ ਦੋ 400 ‘ਚ ਹੀ ਵੇਚੀਆਂ ਜਾਣੀਆਂ ਹਨ। ਉਨਾਂ੍ਹ ਨੇ ਪੁਲਿਸ ਪ੍ਰਸ਼ਾਸਨ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਇਲਾਕੇ ਅੰਦਰ ਹੋ ਰਹੀਆਂ ਚੋਰੀਆਂ ਨੂੰ ਨੱਥ ਪਾਉਣ ਲਈ ਵਿਸ਼ੇਸ਼ ਉਪਰਾਲੇ ਕਰਨੇ ਚਾਹੀਦੇ ਹਨ। ਪੁਲਿਸ ਵੱਲੋਂ ਲੱਖ ਯਤਨਾਂ ਦੇ ਬਾਵਜੂਦ ਵੀ ਇਲਾਕੇ ਅੰਦਰ ਚੋਰੀਆਂ ਦਾ ਸਿਲਸਿਲਾ ਨਹੀਂ ਰੁੱਕ ਰਿਹਾ ਹੈ।