ਫਿਰੋਜ਼ਪੁਰ: ਕਰੀਅਰ ਗਾਈਡਸ ਪ੍ਰੋਗਰਾਮ ਤਹਿਤ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਆਰਿਫ਼ ਕੇ ਵਿਖੇ ਸਕੂਲ ਪੱਧਰ ਤੇ ਕੰਪਿਊਟਰ ਟਾਈਪਿੰਗ ਮੁਕਾਬਲੇ ਕਰਵਾਏ ਗਏ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਸਕੂਲ ਕਾਉਂਸਲਰ ਸ੍ਰੀ ਦੀਪਕ ਮਠਪਾਲ ਨੇ ਦੱਸਿਆ ਕਿ ਵਿਭਾਗ ਦੀਆਂ ਹਦਾਇਤਾਂ ਅਨੁਸਾਰ ਜਿਲ੍ਹਾ ਸਿੱਖਿਆ ਅਫਸਰ ਦੀ ਸਰਪਰਸਤੀ ਹੇਠ ਅਤੇ ਪ੍ਰਿੰਸੀਪਲ ਸ੍ਰੀ ਅਨੁਕੂਲ ਪੰਛੀ ਦੀ ਰਹਿਨਮਾਈ ਵਿੱਚ ਪੰਜਾਬੀ ਹਿੰਦੀ ਅੰਗਰੇਜ਼ੀ ਤਿੰਨ ਭਾਸ਼ਾਵਾਂ ਵਿੱਚ ਕੰਪਿਊਟਰ ਟਾਈਪਿੰਗ ਮੁਕਾਬਲੇ ਕਰਵਾਏ ਗਏ | ਜਿਸ ਵਿੱਚ ਨੌਵੀਂ ਜਮਾਤ ਦੇ ਵਿਦਿਆਰਥੀਆਂ ਨੇ ਹਿੱਸਾ ਲਿਆ | ਇਸ ਅੰਗਰੇਜ਼ੀ ਟਾਈਪਿੰਗ ਮੁਕਾਬਲੇ ਦਾ ਸਮਾਂ 10 ਮਿੰਟ ਰੱਖਿਆ ਗਿਆ| ਇਸ ਮੁਕਾਬਲੇ ਵਿੱਚ ਪਹਿਲਾ ਸਥਾਨ ਰਾਜਪ੍ਰੀਤ ਕੌਰ,ਦੂਜਾ ਸਥਾਨ ਰੋਬਨਪ੍ਰੀਤ ਸਿੰਘ, ਅਤੇ ਤੀਸਰਾ ਸਥਾਨ ਤੇ ਗੁਰਕੀਤ ਸਿੰਘ ਰਿਹਾ | ਇਹਨਾਂ ਮੁਕਾਬਲਿਆਂ ਨੂੰ ਅਧਿਆਪਕ ਸ੍ਰੀ ਪਵਨ ਕੁਮਾਰ ਕੰਪਿਊਟਰ ਅਧਿਆਪਕ ਨੇ ਕਰਵਾਇਆ | ਇਸ ਮੌਕੇ ਇੰਚਾਰਜ ਸਕੂਲ ਸ੍ਰੀਮਤੀ ਪਰਮਜੀਤ ਕੌਰ ਤੇ ਲੈਕਚਰਾਰ ਮਮਤਾ ਸ਼ਰਮਾ ਵੀ ਮੌਜੂਦ ਸਨ।
ਸਰਵਣ ਹੰਸ