ਕਿਰਨ ਪੰਜੋਲਾ ਦੀਆਂ ਆਸ਼ਾ ਵਰਕਰਾਂ ਵੱਲੋਂ ਅੱਜ ਹੁਸ਼ਿਆਰਪੁਰ ਵਿਖੇ ਕੀਤਾ ਜਾਵੇਗਾ ਐਮ ਪੀ ਦੀ ਕੋਠੀ ਦਾ ਘਿਰਾਓ: ਇੰਦੂ ਰਾਣਾ, ਜੋਤੀ ਹੰਸ

ਕ

ਦਸੂਆ: ਅੱਜ ਆਸ਼ਾ ਵਰਕਰ ਅਤੇ ਫੈਸਿਲੀਟੇਟਰ ਨਰੋਲ ਯੂਨੀਅਨ ਪੰਜੋਲਾ ਗਰੁੱਪ ਦੇ ਜ਼ਿਲਾ ਪ੍ਰਧਾਨ ਇੰਦੂ ਰਾਣਾ ਅਤੇ ਜ਼ਿਲਾ ਜਨਰਲ ਸਕੱਤਰ ਜੋਤੀ ਹੰਸ ਨੇ ਦੱਸਿਆ ਕੀ ਕਿਰਨਦੀਪ ਪੰਜੋਲਾ ਗਰੁੱਪ ਵੱਲੋਂ ਪਿਛਲੇ ਦਿਨੀ ਜਿਮਣੀ ਚੋਣਾਂ ਬਰਨਾਲਾ ਅਤੇ ਗਿੱਦੜਵਾਹਾ ਵਿਖੇ ਵੱਡੇ ਪੱਧਰ ਤੇ ਰੋਸ਼ ਪ੍ਰਦਰਸ਼ਨ ਕੀਤੇ ਗਏ ਉਸੇ ਲੜੀ ਦੇ ਤਹਿਤ ਮਿਤੀ 18 ਨਵੰਬਰ ਨੂੰ ਹੁਸ਼ਿਆਰਪੁਰ ਮਿਨੀ ਸਕੱਤਰੇਤ ਦੇ ਸਾਹਮਣੇ ਆਸ਼ਾ ਵਰਕਰਾਂ ਦਾ ਭਾਰੀ ਇਕੱਠ ਕੀਤਾ ਜਾਵੇਗਾ ਅਤੇ ਇਕੱਠ ਕਰਨ ਉਪਰੰਤ ਐਮਪੀ ਰਾਜਕੁਮਾਰ ਦੀ ਕੋਠੀ ਵੱਲ ਪੈਦਲ ਕੂਚ ਕੀਤੀ ਜਾਵੇਗੀ ਅਤੇ ਉਸ ਤੋਂ ਬਾਅਦ ਐਮਪੀ ਰਾਜਕੁਮਾਰ ਅਤੇ ਉਸ ਦਾ ਲੜਕਾ ਜੋ ਕਿ ਚੱਬੇਵਾਲ ਜਿਮਣੀ ਚੋਣ ਵਿੱਚ ਆਪ ਆਦਮੀ ਪਾਰਟੀ ਤੋਂ ਇਲੈਕਸ਼ਨ ਲੜ ਰਿਹਾ ਹੈ| ਉਹਨਾਂ ਦੀ ਹੁਸ਼ਿਆਰਪੁਰ ਵਿੱਚ ਉਹਨਾਂ ਦੀ ਕੋਠੀ ਦਾ ਘਿਰਾਓ ਕੀਤਾ ਜਾਵੇਗਾ| ਇਸ ਮੌਕੇ ਉਹਨਾਂ ਦੇ ਨਾਲ ਵਿਮਲ ਕੌਰ ਹਾਲਟਾ ਬਡਲਾ ਪੀ ਐਚ ਸੀ ਦੇ ਪ੍ਰਧਾਨ ਅਤੇ ਤ੍ਰਿਸ਼ਲਾ ਪੀ ਐਚ ਸੀ ਮੰਡ ਭਡੇਰ ਦੇ ਪ੍ਰਧਾਨ ਮੌਜੂਦ ਸਨ|