ਬਸਪਾ ਉਮੀਦਵਾਰ ਜਲੰਧਰ ਵਿੱਚੋਂ ਹਾਰੇ ਨਹੀਂ, ਸਗੋਂ ਈਵੀਐਮ ਵਿੱਚ ਛੇੜਛਾੜ ਕਰਕੇ ਉਨ੍ਹਾਂ ਨੂੰ ਹਰਾਇਆ ਗਿਆ

ਬ

ਜਲੰਧਰ ਵਿੱਚ ਇਸ ਵਾਰ ਬਸਪਾ ਉਮੀਦਵਾਰ ਐਡਵੋਕੇਟ ਬਲਵਿੰਦਰ ਕੁਮਾਰ ਦੇ ਪੱਖ ਵਿੱਚ ਜ਼ਬਰਦਸਤ ਲਹਿਰ ਸੀ। ਬਸਪਾ ਕੇਡਰ, ਬੁੱਧੀਜੀਵੀ ਵਰਗ, ਹਰ ਵਰਗ ਤੋਂ ਉਨ੍ਹਾਂ ਨੂੰ ਭਰਵਾਂ ਹੁੰਗਾਰਾ ਮਿਲਿਆ, ਵੱਡੇ ਇਕੱਠ ਹੋਏ। ਪ੍ਰਚਾਰ ਜ਼ਬਰਦਸਤ ਸੀ। ਇਸ ਵਾਰ ਸਾਲ 2019 ਤੋਂ ਵੀ ਵੱਡੀ ਲਹਿਰ ਜਲੰਧਰ ਵਿੱਚ ਬਸਪਾ ਦੇ ਪੱਖ ਵਿੱਚ ਸੀ। ਕਈ ਕਾਂਗਰਸੀ ਤੇ ਆਪ ਵਾਲੇ ਵੀ ਆਪਣੀਆਂ ਪਾਰਟੀਆਂ ਛੱਡ ਕੇ ਬਸਪਾ ਦਾ ਹਿੱਸਾ ਬਣੇ। ਵਿਦੇਸ਼ਾਂ ਵਿੱਚ ਬੈਠੇ ਲੋਕਾਂ ਨੇ ਵੀ ਉਨ੍ਹਾਂ ਦੇ ਹੱਕ ਵਿੱਚ ਆਪਣੇ ਜਲੰਧਰ ਵਿਖੇ ਪਰਿਵਾਰਾਂ ਨੂੰ ਵੱਡੇ ਪੱਧਰ ਉੱਤੇ ਫੋਨ ਕੀਤੇ। ਬਸਪਾ ਨੂੰ ਜਲੰਧਰ ਵਿੱਚੋਂ ਬੰਪਰ ਵੋਟਾਂ ਪਈਆਂ। ਫਿਰ ਵੀ ਨਤੀਜਾ ਬਹੁਤ ਉਲਟ ਆਇਆ। ਜਿਨ੍ਹਾਂ ਬੂਥਾਂ ਵਿੱਚ ਬਸਪਾ ਦਾ ਕੇਡਰ ਮਜ਼ਬੂਤ ਸੀ, ਉਨ੍ਹਾਂ ਵਿਚੋਂ ਵੀ ਬਸਪਾ ਦੇ ਖਾਤੇ ਵਿੱਚ ਨਿਰਾਸ਼ਾਜਨਕ ਵੋਟਾਂ ਪਈਆਂ। ਇਹ ਧਾਂਦਲੀ ਨਾਲ ਭਰਿਆ ਹੈਰਾਨੀਜਨਕ ਨਤੀਜਾ ਜਲੰਧਰ ਦੇ ਲੋਕਾਂ ਨੂੰ ਪਚ ਨਹੀਂ ਰਿਹਾ। ਜਲੰਧਰ ਦੇ ਕੋਨੇ ਕੋਨੇ ਵਿੱਚੋਂ ਇਹੀ ਆਵਾਜ਼ ਸੁਣਾਈ ਦੇ ਰਹੀ ਹੈ ਕਿ ਬਸਪਾ ਉਮੀਦਵਾਰ ਇੱਥੋਂ ਹਾਰੇ ਨਹੀਂ ਸਗੋਂ ਵੱਡੇ ਪੱਧਰ ਉੱਤੇ ਈਵੀਐਮ ਵਿੱਚੋਂ ਵੋਟਾਂ ਚੋਰੀ ਕਰਕੇ ਉਨ੍ਹਾਂ ਨੂੰ ਹਰਾਇਆ ਗਿਆ ਹੈ।