ਬਲਾਕ ਨਕੋਦਰ ਦੇ ਸਰਪੰਚਾਂ ਅਤੇ ਪੰਚਾਂ ਲਈ ਓਰੀਐਟੇਸ਼ਨ ਸਿਖਲਾਈ ਪ੍ਰੋਗਰਾਮ ਸ਼ੁਰੂ

ਬ

ਨਕੋਦਰ: ਪ੍ਰਦੇਸ਼ਿਕ ਦਿਹਾਤੀ ਵਿਕਾਸ ਅਤੇ ਪੰਚਾਇਤੀ ਰਾਜ ਸੰਸਥਾ (SIRD) ਮੋਹਾਲੀ ਦੇ ਡਾਇਰੈਕਟਰ ਸਾਹਿਬ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ, ਬਲਾਕ ਨਕੋਦਰ ਦੇ 89 ਪਿੰਡਾਂ ਦੇ ਨਵੇਂ ਚੁਣੇ ਸਰਪੰਚਾਂ ਅਤੇ ਪੰਚਾਂ ਲਈ ਤਿੰਨ ਦਿਨਾਂ ਓਰੀਐਟੇਸ਼ਨ ਸਿਖਲਾਈ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ ਗਈ। ਇਹ ਕੈਂਪ ਸ਼੍ਰੀ ਅਭੈ ਚੰਦਰ ਸ਼ੇਖਰ, ਬੀ.ਡੀ.ਪੀ.ਓ ਨਕੋਦਰ ਦੀ ਯੋਗ ਅਗਵਾਈ ਅਤੇ ਸ਼੍ਰੀ ਰਾਮ ਪ੍ਰਕਾਸ਼, ਪੰਚਾਇਤ ਅਫਸਰ ਦੀ ਦੇਖ-ਰੇਖ ਹੇਠ ਆਯੋਜਿਤ ਕੀਤੇ ਜਾ ਰਹੇ ਹਨ। ਕੈਂਪ ਕੇ.ਆਰ.ਐਮ. ਡੀ.ਏ.ਵੀ. ਕਾਲਜ (ਗਰਲਜ਼ ਵਿੰਗ) ਨਕੋਦਰ ਦੇ ਸੈਮੀਨਾਰ ਹਾਲ ਵਿੱਚ ਮਿਤੀ 2 ਦਸੰਬਰ 2024 ਤੋਂ 16 ਜਨਵਰੀ 2025 ਤੱਕ ਲਗਾਏ ਜਾ ਰਹੇ ਹਨ। ਪਹਿਲੇ ਦਿਨ ਦੇ ਸੈਸ਼ਨ ਦੌਰਾਨ, ਬਲਾਕ ਦੇ 9 ਪਿੰਡਾਂ ਦੇ ਚੁਣੇ ਸਰਪੰਚਾਂ ਅਤੇ ਪੰਚਾਂ ਨੇ ਭਾਗ ਲਿਆ। ਇਸ ਦੌਰਾਨ, ਐਸ.ਆਈ.ਆਰ.ਡੀ ਮੋਹਾਲੀ ਤੋਂ ਮਾਸਟਰ ਰਿਸੋਰਸ ਪਰਸਨ ਸ਼੍ਰੀ ਨਰੇਸ਼ ਸਿੰਘ ਅਤੇ ਸ੍ਰੀਮਤੀ ਰਮਨਦੀਪ ਕੌਰ ਨੇ ਪ੍ਰਤੀਭਾਗੀਆਂ ਨੂੰ ਪੰਚਾਇਤੀ ਰਾਜ ਦੀ 73ਵੀਂ ਸੰਵਿਧਾਨਿਕ ਸੋਧ ਦੇ ਮੁੱਖ ਤੱਤਾਂ ਬਾਰੇ ਜਾਣਕਾਰੀ ਦਿੱਤੀ। ਇਨ੍ਹਾਂ ਵਿੱਚ ਗ੍ਰਾਮ ਸਭਾ ਦੀ ਬਣਤਰ, ਮੀਟਿੰਗਾਂ ਦੀ ਪ੍ਰਕਿਰਿਆ, ਬਜਟ ਤਿਆਰ ਕਰਨਾ, ਗ੍ਰਾਮ ਸਭਾ ਦੇ ਕਾਰਜ ਅਤੇ ਸ਼ਕਤੀਆਂ, 15ਵਾਂ ਵਿੱਤ ਕਮਿਸ਼ਨ, ਅਤੇ ਪੰਚਾਇਤ ਨਾਲ ਸਬੰਧਿਤ ਵਿੱਤੀ ਅਤੇ ਪ੍ਰਸ਼ਾਸਨਿਕ ਸ਼ਕਤੀਆਂ ਸ਼ਾਮਲ ਹਨ। ਇਸੇ ਕੈੰਪ ਵਿੱਚ ਐਸ.ਆਰ.ਐਲ.ਐਮ ਸਕੀਮ ਬਾਰੇ ਜਾਣਕਾਰੀ ਸ਼੍ਰੀ ਭਾਵਨਾ ਰਾਣੀ, ਬੀ.ਪੀ.ਐਮ ਨਕੋਦਰ ਵੱਲੋਂ ਪ੍ਰਦਾਨ ਕੀਤੀ ਗਈ। ਇਸ ਮੌਕੇ ਕਈ ਅਧਿਕਾਰੀ ਅਤੇ ਵਿਸ਼ੇਸ਼ ਅਤਿਥੀ ਹਾਜਰ ਸਨ, ਜਿਨ੍ਹਾਂ ਵਿੱਚ ਸ਼੍ਰੀ ਅਵਿਨਾਸ਼ ਕੁਮਾਰ (ਜੇ.ਈ.), ਸ਼੍ਰੀ ਨਰਿੰਦਰ ਸਿੰਘ ਕੰਗ, ਸ਼੍ਰੀ ਪਰਮਜੀਤ ਸਿੰਘ, ਸ਼੍ਰੀ ਜੈ ਕੁਮਾਰ, ਸ਼੍ਰੀ ਮੇਜਰ ਸਿੰਘ, ਅਤੇ ਕਈ ਪੰਚਾਇਤ ਸਚਿਵ ਅਤੇ ਵਿਕਾਸ ਅਫਸਰ ਸ਼ਾਮਲ ਸਨ। ਪ੍ਰੋਗਰਾਮ ਦੇ ਅੰਤ ਵਿੱਚ ਸਾਰੇ ਪ੍ਰਤੀਭਾਗੀਆਂ ਵੱਲੋਂ ਇਸ ਪ੍ਰਸ਼ਿਕਸ਼ਣ ਦੇ ਲਾਭਾਂ ਨੂੰ ਸਰਾਹਿਆ ਗਿਆ।